Məktəb-liseyin müəllim və şagird heyəti ADU- da
Ingilis dili fənn aylığı çərçivəsində şagirdlərimiz ADU-da olmuşlar. Şagird və müəllim heyətini Əlavə Təhsil ve Təcrübə fakultəsinin dekanı M. İsmayılov, universitetin Tələbə Gənclər Təşkilatlarının (TGT) sədri E.Hüseynli, Tələbə Həmkarlar İttifaqı Komitəsinin sədr müavini Z.Salmanova, Linqvokulturologiya kafedrasının baş müəllimi A.Səfərova qarşıladılar. Şagird və müəllim heyəti Heyder Eliyev adına muzey lektoriyası, Türkiyə araşdırmalar mərkəzi, Yaponiya, İndoneziya, Pakistan, Multikulturalizm Mərkəzi, Rusiyaşünaslıq Mərkəzi, Bakı Amerika Mərkəzi, Serbiya Mərkəzi, TürKonfutsi İnstitutu ilə tanış oldular.
Beynəlxalq münasibətlər və İdarəetmə fakültəsinin dekanı Tarix Elmləri Doktoru Dosent İbrahim Kazımbəyli, Filologiya fakultesinin dekanı, Filologiya elmler doktoru, Professor Şahin Xəlili şagirdlərlə maraqlı söhbət etdilər və fakültələr haqqında onlara məlumat verdilər. Bundan başqa şagirdlər Şəhid Elvin Bayramov adına auditoriyada tarix üzrə fəlsəfə doktoru, deputat Naqif Həmzəyevin dərsində iştirak etdilər. Ekskursiyanin sonunda şagirdlər ən gözəl təəssüratlarla universitetdən ayrıldılar. Şagirdlərimiz üçün bu gözəl şəraiti yaradan məktəbimizin direktoru Almaz Bayramovaya və Azərbaycan Dillər Universitetinin rektoru Akademik Kamal Abdullaya təşəkkür edirik.
