"Zəfər qoxulu payızım"
04.11 2022- ci il tarixində məktəb-liseydə 8 Noyabr Zəfər Gününə həsr olunmuş “Zəfər qoxulu payızım” adlı tədbir keçirildi.Tədbirdə müəllim-şagird heyəti, həmçinin məktəb-liseyin şəhid məzunu Cəmil Nəcəfovun anası, Vətən müharibəsi qaziləri də iştirak etdilər. Şagirdlərin təqdimatında günün önəmini daşıyan müxtəlif bədii kompozisiyalar təqdim edildi. Məktəb-liseyin şəhid məzunları baş leytenant Cəmil Nəcəfov və Rövşən İsmayılovun qəhrəmanlıqlarından danışıldı. Hər bir şagirdin ifasında vətənə olan sonsuz məhəbbət tərənnüm olundu. Prezident, xalq və ordu birliyinin təcəssümündən danışıldı. 44 gün ərzində gözümüzün önündə tarix yazan, dastan yaradan igidlərimizin ruhu yad edildi. Eyni zamanda Azərbaycan xalqına bu möhtəşəm hissi yaşadan qəhrəmanlarımızdan biri olan məktəbin şəhid məzunu Cəmil Nəcəfovun anası Mətanət Nəcəfova öz çıxışında şəhidlərimizə verilən dəyərdən, bu dəyərin önəmindən danışdı.
Tədbirin sonunda məktəbin direktoru Almaz xanım Bayramova çıxış etdi. O öz ürək sözlərini dilə gətirərək şagirdlərimizin vətənpərvər ruhda böyüməsini yüksək qiymətləndirdi. Hər bir şagirdin nümayiş etdirdiyi vətən sevgisini fəxrlə alqışlayaraq təşəkkürünü bildirdi.
