Zəfər tarixi konfransı
Məktəb liseyin tarix müəllimi Natavan Mustafayevanın 9 c sinfində "Qarabağ Azərbaycandır" mövzusunda açıq dərsi oldu.Dərsdə müəllimlər və Vətən müharibəsi qaziləri iştirak etdilər.Şagirdlər Qarabağın tarixi-siyasi əhəmiyyəti,44 günlük müharibədə Ali Baş Komandanımızın rəhbərliyi altında qəhrəman ordumuzun göstərdiyi şücaətdən bəhs edən təqdimatları fəxrlə təqdim etdilər. Açıq dərsdən sonra məktəbin akt zalında "Zəfər tarixi"nə həsr edilmiş konfrans keçirildi. Konfransda tarix müəllimi Vəliyeva Afaq çıxış edərək Ali Baş Komandanın yeritdiyi uğurlu siyasətdən ,Azərbaycan ordusunun işğalçı Ermənistanın silahlı qüvvələrinə qarşı əks-hücum əməliyyatında əldə etdiyi möhtəşəm qələbə haqqında ətraflı məlumat verdi.Qazi Amin Əliyev keçdiyi döyüş yolu ilə bağlı xatirələrini şagirdlərlə bölüşdü.Torpağa ,vətənə sevginin ,vətənpərvərlik hisslərinin ona məktəb illərində aşılandığını söylədi.Sonda məktəb-liseyin direktoru Almaz Byramova çıxış edərək torpaqlarımızın azadlığı uğrunda canından keçən igidlərimizin xatirəsinin gələcək nəsillərə nümunə olduğunu bildirdi.
