Məktəb - liseydə kimya gecəsi
Məktəb liseydə may ayında keçirilən kimya aylığı ilə əlaqədar olaraq 19.05.2022-ci il.tarixində “Kimya gecəsi” keçirilmişdir.Gecədə məktəbin rəhbərliyi, müəllimlər, şagirdlər və məktəbdə pedaqoji təcrübə keçən ADPU –nun kimya-biologiya fakultəsinin sonuncu kurs tələbələri iştirak etmişlər.
Tədbirdə məktəbin kimya müəllimi,kimya üzrə fəlsəfə doktoru,Əməkdar müəllim Akif Teyli “Nanotexnologiya haqqında” məruzə ilə çıxış etdi. Sonra tədbirdə kimya müəllimlərinin və təcrübəçi müəllimləin fəal iştirakı ilə tərtib olunmuş maraqlı kimyəvi təcrübələri 7, 8, 9 və 10-cu siniflərin şagirdləri nümayiş etdirdilər.
Tədbirin sonunda məktəb liseyin direktoru Almaz Bayramova çıxış edərək, tədbirin təşkilində və təqdimatında rolu olan kimya müəllimlərinə, təcrübəçı müəllimlərə və şagirdlərə minnətdarlığını bildirərək, işlərində uğurlar arzuladı.
