83 NÖMRƏLİ MƏKTƏB-LİSEYDƏ AZƏRBAYCANIN DÖVLƏT MÜSTƏQİLLİYİNİN BƏRPA OLUNMASININ 25 İLLİYİ MÜNASİBƏTİLƏ TƏDBİR KEÇİRİLMİŞDİR
18 oktyabr 2016-cı il tarixdə Bakı şəhəri Sovet İttifaqı Qəhrəmanı Həbibulla Eynulla oğlu Hüseynov adına 83 nömrəli məktəb- liseydə Azərbaycanın dövlət müstəqilliyinin bərpa olunmasının 25 illiyi münasibətilə tədbir keçirilmişdir. Dövlət himninin oxunması ilə başlayan tədbirdə məktəb-liseyin direktoru Nəbi Mahmudov dövlət müstəqilliyimizin bərpası tarixindən danışmış, Ulu öndərimiz Heydər Əliyevin, Azərbaycan Respublikasının prezidenti İlham Əliyevin müstəqilliyimizin əbədiliyi üçün apardıqları iqtisadi inkişaf, daxili və xarici siyasət xəttindən söhbət açmışdır. Tədbirdə məktəb-liseyin tarix müəllimi Sevinc Allahverdiyeva müstəqilliyimizin tarixi barədə geniş məruzə etmişdir. Məktəbin tərbiyə işləri üzrə direktor müavini Aybəniz Əliyeva,təlim-tərbiyə işlər üzrə direktor müavini Sevinc Razıyeva, dərnək rəhbəri Arzu Əhədovanın təşkilatçılığı ilə VI,VII və VIII sinif şagirdlərinin hazırladıqları ədəbi-bədii kompozisiya tədbir iştirakçılarının alqışları ilə qarşılanmışdır.
