Kiçik Akademiyanın konfransı keçirildi
28.12.2021-сi il tarixində məktəb-liseydə “Kiçik Akademiya” nın konfransı keçirildi. Konfransda məktəbin direktoru,tərbiyə işləri üzrə direktor müavini,KA-nın prezidenti, KA-nın tərkibindəki kafedraların rəhbərləri, məsləhətçi müəllimlər, KA-nın üzvləri iştirak edirdi.Əvvəlcə KA -da görülən işlər haqqında məlumat verildi. Daha sonra şagirdlərin layihələri təqdim olundu. İlk olaraq texniki və təbiət kafedra üzvlərinin birgə layihəsi olan dünya şöhrətli alim Lütfi Zadənin "Səlis məntiq nəzəriyyəsi"haqqında ətraflı məlumat verildi.Məktəbimizin məzunu olmuş və Kanadada suni intellekt sahəsi üzrə ixtisaslaşmış Adil Əliyev virtual olaraq konfransda təqdimatla çıxış etdi və dəyərli fikirlərini ,məsləhətlərini şagirdlərimizlə bölüşdü, verilən sualları cavablandırdı.Daha sonra kimya fənni üzrə təqdimat göstərildi və şagirdlər canlı olaraq kimyəvi reaksiyalar apardılar.Növbəti təqdimat coğrafiya fənni üzrə nümayiş olundu. Təqdimat vulkanlar barədə və buludun əmələ gəlməsi mövzularını əhatə edirdi. Son olaraq fiziklərimiz öz təcrübələri ilə çıxış etdilər.
