Ənənəvi tədrisin bərpası qaydalarından danışılıb
İTV-nin “Diqqət mərkəzi” verilişinin qonağı olan Bakı Şəhəri üzrə Təhsil İdarəsinin müdiri Mehriban Vəliyeva ümümi təhsil müəssisələrində fevralın 1-dən etibarən ənənəvi tədrisin bərpası ilə bağlı görülən hazırlıq işləri barədə geniş məlumat verib.
M.Vəliyeva davam edən pandemiya vəziyyətində tədris prosesinin mövcud qaydalarından bəhs edib, xüsusi karantin zamanı məktəblərdə müəllim və şagirdlər üçün qoyulan tələbləri açıqlayıb.
İdarə müdiri ümumi təhsil sahəsində tətbiq olunan yeniliklər, həmçinin mövcud epidemioloji vəziyyətlə əlaqədar tədrisin davamlılığı üçün səmərəli vasitə olan distant təhsilin verdiyi imkanlardan da danışıb.
