Məktəblər arasında futbol çempionatı keçirilib
“Məktəblinin dostu” layihəsi çərçivəsində Bakı şəhər 3, 83, 102 və 276 nömrəli tam orta məktəblər arasında futbol çempionatı keçirilib. Yarışın keçirilməsində məqsəd məktəblilərin asudə vaxtını səmərəli təşkil etmək, şagirdlərin sağlam və aktiv həyat tərzinin təbliği işini genişləndirmək və futbol idman növünə marağı artırmaqdan ibarətdir. 6 və 7-ci siniflər arasında baş tutan oyunun qalibləri "Vətən" Respublika İxtisaslaşdırılmış Olimpiya Ehtiyatları Uşaq Gənclər Futbol Məktəbinin hakimləri tərəfindən təyin olunub. Birinci yerin qalibi 276 nömrəli tam orta məktəb, ikinci yerin qalibi 83 nömrəli məktəb lisey, üçüncü yerin qalibi isə 102 nömrəli tam orta məktəb olub. Qalib komandalar kubok və diplomlarla təltif olunub.
