Şagirdlərdə milli-mənəvi və ümumbəşəri dəyərlər formalaşdırılır
Mayın 17-də milli özünüdərk, düşüncə, təfəkkür, iftixar hissinin aşılanması, milli mənəvi və ümumbəşəri dəyərlərin formalaşdırılması məqsədilə məktəbin tarix müəllimi Sara Hüseynovanın təşkilatçılığı ilə tədbir keçirildi.
Tədbirdə şagirdlər Azərbaycançılıq ideologiyasının fəlsəfi məna tutumu və mahiyyəti, qədim tarixi, elmi, mədəniyyəti, incəsənəti, dövlətçilik ənənələri, tarixi şəxsiyyətləri, milli mənəvi dəyərləri, zəngin təbiəti, dövlət rəmzlərinin yaranma tarixi, məna və mahiyyəti barədə geniş məlumatlar verdilər, vətənpərvərlik ruhunda şeirlər, mahnılar söylədilər.
