"Sən elə bir zirvəsən" adlı tədbir keçirildi

Ümummilli lider Heydər Əliyevin dövlətçilik siyasəti və azərbaycançılıq məfkurəsinin uşaq və yeniyetmələr arasında geniş təbliği, ulu öndər Heydər Əliyev irsi ilə şagirdlərin yaxından tanış edilməsi məqsədilə ümummilli lider Heydər Əliyevin anadan olmasının 96-cı ildönümünə həsr olunmuş tədbir keçirildi.
Tədbirlərdə çıxış edənlər ümummilli lider Heydər Əliyevin Azərbaycanın gələcəyi olan gənclərin inkişafına, elm və təhsilin tərəqqisinə daim xüsusi diqqət yetirdiyini, bu sahədə mövcud olan problemlərin aradan qaldırılması və Azərbaycanda dünyanın inkişaf etmiş ölkələrin təcrübəsinə uyğun təhsil strategiyasının reallaşdırılması məqsədilə əhəmiyyətli tədbirlər həyata keçirdiyini bildirdilər. Həmçinin ulu öndərin irsinin öyrənilməsinin əhəmiyyəti vurğulanıb, müdrik rəhbərin siyasi xəttinin Prezident İlham Əliyev tərəfindən uğurla davam etdirildiyi şagirdlərin diqqətinə çatdırıldı.
Tədbirlərdə şagirdlərin ifasında Heydər Əliyevin müdrik kəlamlarından sitatlar səsləndirildi, eyni zamanda ümummilli liderin həyat və fəaliyyətinin müxtəlif sahələrindən bəhs edən videoçarx nümayiş olundu. Ümummilli liderə həsr olunmuş şeirlər söylənildi, mahnılar oxundu.