78 №-li tam orta məktəb

    Mayın 5-də məktəbin tarix müəllimi Sevda Şərifova və riyaziyyat müəllimi Aynur Zeynalovanın təşkilatçılığı ilə İstiqlal muzeyinə ekskursiya təşkil edildi. Şagirdlər 6 zaldan ibarət olan muzeyin ekspozisiyasında Azərbaycan tarixinin qədim dövrlərinə aid arxeoloji qazıntılar zamanı tapılmış müxtəlif məişət əşyaları, formaca fərqlənən saxsı qablar, əmək alətləri, habelə tunc dövrünün bəzək nümunələri, döyüş silahları ilə yanaşı tarix boyu xalqımız tərəfindən qəbul edilmiş dövlətçilik rəmzləri, Azərbaycan Xalq Cumhuriyyətinin buraxdığı poçt markaları, pul əskinasları, dövlət idarələrinə məxsus olan sənədlərin nümunələri, habelə o dövrdə təsis olunmuş orden və medalların eskizləri ilə tanış oldular, qədim və zəngin tariximiz barədə geniş məlumat əldə etdilər.