Şagirdlərlə müzakirələr aparılır
Mayın 1-də Təhsil Nazirliyinin "Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında" əmrinin icrasını təmin etmək, uşaq və yeniyetmələrdə ölkəmizdə baş verən ictimai-siyasi və sosial hadisələrə, qazanılan nailiyyətlərə obyektiv münasibətin yaradılması məqsədilə məktəbin coğrafiya müəllimi Lətifə Məmmədovanın təşkilatçılığı ilə dəyirmi masa keçirildi.
Şagirdlərə ölkəmizdə sosial-iqtisadi sahələr üzrə, o cümlədən təhsil sahəsində həyata keçirilən quruculuq işləri, ordu quruculuğu, ölkəmizin müdafiə qüdrətinin güclənməsi, Azərbaycan təşəbbüsü və iştirakı ilə beynəlxalq miqyaslı iqtisadi layihələrin həyata keçirilməsi, Azərbaycanın dünya reytinqli idman yarışları və siyasi tədbirlərə, incəsənət layihələrinə ev sahibliyi etməsi barədə məlumat verildi.Sonda müzakirələr aparıldı.
