Novruz şənliyi təşkil edildi
Martın 21-də Sabunçu rayon İcra Hakimiyyətinin təşkilatçılığı ilə xalqımızın bu günə qədər yaşatdığı, qoruyub gələcək nəsillərə ötürdüyü, müqəddəsləşdirdiyi, gələcəyə, xoşbəxtliyə, bolluğa ümidini əks etdirən yeni gün, yeni həyat mənasını daşıyan Novruz bayramına həsr olunmuş şənlik təşkil edildi.
Tədbirdə milli adət-ənənələrin gələcək nəsillərə ötürülməsinin və milli-mənəvi dəyərlərimizin qorunub saxlanılmasının vacibliyi şagirdlərin diqqətinə çatdırıldı. Bayram şənliyində şagirdlər baharın təravətli nəfəsini özü ilə gətirən Novruz bayramına aid mahnılar ifa etdi, şeirlər səsləndirdi, maraqlı səhnəciklər nümayiş etdirdilər. Şagirdlərin ifasında milli rəqslər, xalq oyunları, Keçəl və Kosanın məzəli əhvalatları, Bahar qızının gəlişi tədbirə rəngarənglik qatdı.
Sonda bayram tonqalı qalandı, məktəblilər tonqal ətrafında yallı getdilər.
