"Yurdumuza Novruz gəlir" mövzusunda tədbir keçirildi
Martın 15-də I sinif şagirdlərinin iştirakı ilə "Yurdumuza Novruz gəlir" mövzusunda tədbir keçirildi. Tədbirdə Novruz bayramının əsrlərin dərinliyindən bizim günlərə gəlib çıxmış ən şən və gözəl bayramlardan biri olduğu, xalqımızın həyata nikbin baxışının, təbiətin və insanlığın qələbəsinə inamının bayramı olduğu qeyd edildi. Tədbirdə Kosa, Keçəl, Bahar qızının iştirakı ilə səhnəciklər göstərildi, bahar təravətli şeirlər söylənildi, mahnılar oxunuldu. Tədbiri keçirtməkdə məqsəd milli-mənəvi dəyərlərin təbliği, milli bayramlarımızın qeyd olunması ilə xalqımızın adət-ənənələrinin yaşadılmasıdır.
