“Mənim ana dilim” mövzusunda ədəbi bədii gecə keçirildi
Məktəbin Azərbaycan dili müəllimi Həsənov Hidayət Hüseyn oğlunun təşkilatçılığı ilə “Mənim ana dilim” mövzusunda ədəbi bədii gecə keçirildi. Tədbirdə qeyd edildi ki, hər bir millətin varlığının mühüm amillərindən biri olan ana dili heç vaxt yaddan çıxmayan, unudulmayan qürur mənbəyidir. Tarix boyu başı bəlalar çəkmiş Azərbaycan xalqı zaman–zaman əzilsə, repressiyalara məruz qalsa da öz ana dilini qoruyub saxlaya bilmişdir. Bu işdə bədii söz ustalarının, ədəbiyyatımızın korifeylərinin əvəzsiz xidmətləri vardır. Onlar ümumxalq dilinə həmişə fəal münasibət bəsləmiş, onun zənginləşməsi və hərtərəfli inkişafı üçün böyük fədakarlıqlar göstərmişlər. Tədbirdə şagirdlər dünya dilləri içərisində öz gözəlliyi, öz avazı ilə seçilən, uzaq tariximizi bu gün də yaşatmağa kömək edən ana dilimizə həsr edilən şeirlər, mahnılar söylədilər.
