“Narkomaniya bəşəriyyətin bəlasıdır” adlı maarifləndirmə tədbiri keçirildi
22 fevral 2019-cu il tarixində Sabunçu Rayon Polis İdarəsinin və 78 nömrəli tam orta məktəbin təşkilatçılığı ilə “Narkomaniya bəşəriyyətin bəlasıdır” adlı məktəbin yuxarı sinif şagirdləri üçün maarifləndirmə tədbiri keçirildi. Tədbirdə məktəbin direktoru Murad Zeynalov, Sabunçu Rayon Polis İdarəsinin rəisi, polis-polkovniki Eldar İlyasov, Sabunçu Rayon İcra Hakimiyyəti başçısı aparatının İctimai-siyasi və humanitar məsələlər şöbəsinin müdir müavini Ədalət Teymurov, Bakı Şəhər üzrə Təhsil İdarəsinin nəzdində fəaliyyət göstərən Təlimə Dəstək Mərkəzinin baş metodisti Tahirə Qədimova və Bakı şəhər narkoloji dispanserin həkim- narkoloqu Pərvin Abbasova iştirak etdi. Tədbir iştirakçıları narkomaniyanın yayılması, fiziki və mənəvi təsirləri, narkomaniyaya qarşı mübarizə ilə bağlı çıxışlar etdilər. Sonda şagirdləri maraqlandıran suallar məruzəçilər tərəfindən cavablandırıldı.
