"Valideynin məktəbdə bir günü" layihəsi keçirildi
Valideynlərin övladlarının təhsil aldığı müəssisə ilə yaxından tanışlığının təmin olunması, istər infrastruktur, istərsə də tədris prosesinin təşkilinin təkmilləşdirilməsi istiqaməti üzrə rəy və təkliflərinin əldə edilməsi, qeyri-formal mühitdə məktəbin pedaqoji heyəti və texniki işçi kollektivi ilə ünsiyyət platformasının yaradılması məqsədilə 15 fevral 2019-cu il tarixində "Valideynin məktəbdə bir günü" layihəsi keçirildi.
Tədbirdə Bakı Şəhəri üzrə Təhsil İdarəsinin nəzdində fəaliyyət göstərən Təlimə Dəstək Mərkəzinin kurikulumların tətbiqinə nəzarət bölməsinin metodisti Mürsəl Qurbanov iştirak etdi.
Valideynlər məktəb kitabxanası, yeməkxanası, sinif otaqları, idman zalı, akt zalı və laboratoriyalar ilə tanış oldular. Valideynlər müəyyən növbələrlə dərs müşahidələrində iştirak etdilər. Daha sonra metodist Mürsəl Qurbanov valideynlər üçün seminar verdi, məktəbin qazandığı son nailiyyətlər haqqında təqdimat nümayiş etdirildi və tədbir bədii hissə ilə yekunlaşdı.
