“20 Yanvar faciəsi qəhrəmanlıq salnaməsidir” adlı dəyirmi masa keçirildi
16 yanvar 2019-cu il tarixində məktəbin kitabxana müdiri Quliyeva Yeganə Niftulla qızının təşkilatçılığı ilə müstəqillik mübarizəsi tarixinə qəhrəmanlıq səhifəsi kimi yazılmış 20 Yanvar faciəsinin 29-cu ildönümünə həsr olunmuş “20 Yanvar faciəsi qəhrəmanlıq salnaməsidir” adlı dəyirmi masa keçirildi. Şəhidlərin əziz xatirəsi bir dəqiqəlik sükutla yad edildi.Qeyd edildi ki, 20 Yanvar hadisələri Azərbaycan xalqının milli oyanışından, azadlıq və müstəqillik mücadiləsindən xəbər verən tarixi bir gerçəklikdir,xalqımızın verdiyi qurbanlara, yaşadığı qanlı faciəyə baxmayaraq, 20 Yanvar təkcə faciə günü yox, eyni zamanda tariximizin şərəfli səhifəsi olmaqla mübarizlik və qəhrəmanlıq nümunəsidir.
