“Sənətdə hər kəsin öz yeri vardır”adlı məktəblərarası bilik yarışı keçirildi
12 dekabr 2018-ci il tarixdə Bakı şəhəri 170 nömrəli tam orta məktəbin təşkilatçılığı ilə Ulu Öndər Heydər Əliyevin anım gününə həsr olunmuş “Sənətdə hər kəsin öz yeri vardır” adlı məktəblərarası bilik yarışı keçirildi. Yarış Azərbaycan Respublikasının Dövlət Himni ilə başlandı. Fenomen şəxsiyyət Ulu Öndərin əziz xatirəsi bir dəqiqəlik sükutla yad edildi.
Yarışda Sabunçu rayon 72, 75, 78,170, 215, 310, 311 nömrəli tam orta məktəblərin "Turan", "Cümhuriyyət", Bilicilər", Hürriyyət", Katalizator", "Zərkənd","Həmrəy" komandaları görüşdülər. Məktəbləri təmsil edən 6 şagirddən ibarət olan komandalar Azərbaycan dili, ədəbiyyat, riyaziyyat, tarix, kimya, biologiya, fizika, coğrafiya fənlərindən sualları cavablandıraraq birincilik uğurunda mübarizə apardılar. Qalib gəlmiş komandalar diplomlarla təltif edildilər.
