Təhsildə inkişaf və innovasiyalar üzrə birinci qrant müsabiqəsinin təqdimat mərasimi.
18 dekabr 2017-ci il tarixdə Beynəlxalq Mətbuat Mərkəzində “Təhsildə inkişaf və innovasiyalar üzrə birinci qrant müsabiqəsi”nin ümumtəhsil müəssisələri kateqoriyası üzrə qalibi olmuş "Ümümtəhsil məktəblərində coğrafiya fənninin tədrisində coğrafi informasiya sistemlərinin (CİS) tətbiqi” layihəsinin təqdimat mərasimi keçirildi.
Tədbiri Açıq dərs verilişinin aparıcısı Orxan Cabbarlı aparırdı.
İlk öncə 78 nömrəli tam orta məktəbin direktoru Murad Zeynalov layihə haqqında ətraflı məlumat verdi və görülən işlərdən danışdı və eyni zamanda Azərbaycanın bütün orta ümumtəhsil məktəblərində coğrafiya fənninin tədrisi zamanı şagirdlərə CİS texnologiyalarının öyrədilməsi, fənnin praktiki olaraq mənimsənilməsinin əhəmiyyətini vurğuladı.
Tədbirdə iştirak edən Bakı şəhəri üzrə Təhsil idarəsinin inkişaf layihələr üzrə sektor müdiri Anar Qədiməliyev Bakı şəhəri üzrə keçirilən layihələrin son dərəcə əhəmiyyətli olduğunu vurğuladı və belə layihələrin davamlı keçirilməsinin təqdirəlayiq olduğunu bildirdi.
