3 Dekabr-Beynəlxalq Əlillər Günüdür
Dekabrın 3-də məktəbin ibtidai sinif müəllimi Nərgiz Xaməmmədovanın 4"A" sinfində Beynəlxalq Əlillər Gününə həsr edilmiş söhbət aparıldı.
Qeyd edildi ki, Beynəlxalq Əlillər Günü bütün dünyada hər il dekabrın 3-də qeyd edilir və bu barədə 1992-ci il dekabrın 14-də BMT Baş Assambleyasının qətnaməsi qəbul olunub. Onun hədəfi-ictimai həyatın bütün sahələrində əlillərin hüquqlarının qorunması və geniş ictimaiyyətin diqqətini onların problemlərinə yönəltməkdir.
Əsas məqsəd əlillərin ehtiyaclarını başa düşməyə və məhdud imkanlara malik olan insanların ləyaqət, hüquq və rifahına dəstəyi irəli çəkmək və həmçinin məhdud imkanlı insanların siyasi, sosial və mədəni həyatın bütün aspektlərinə cəlb edilməsindən əldə olunan xeyir haqda məlumatlandırmanın yaxşılaşdırılmasıdır.
