Beynəlxalq Müəllimlər Günü
Bu gün məktəbimizdə 5 oktyabr “Beynəlxalq müəllimlər günü” təntənəli şəkildə qeyd edildi.
Əvvəlcə şagirdlərin Müəllim gününə həsr etdikləri rəsmlərə baxış keçirildi.
Sonra şagirdlərin ifasında müəllimə, doğma vətənimizə həsr olunmuş şeirlər və mahnılar səsləndirildi. Şagirdlər və müəllimlər çıxış edərək bu bayramın tarixi barədə, müəllim peşəsinin müqəddəsliyi barədə danışdılar.
Tələsməyin
Şərəfli peşə sahibləri olan
müəllimlərimizə ithaf edirəm
Bu dünyaya gələn gündən
Tələsmisiz ömür boyu.
Soruşan yox,
Siz də belə söyləmirsiz,
Tələsməyin səbəbini.
Cavan olmaq,
Uşaqlıqdan bir dəfəlik uzaqlaşmaq
Arzusuyla tələsmisiz.
Tez evlənib ata olmaq,
Ana olmaq həvəsiylə tələsmisiz!
Baba olmaq, nənə olmaq həvəsi də
Keçib sizin könlünüzdən,
Tələsmisiz,
Heç bilmədən yaşamısız
Əlli ili, altmış ili
Siz tələsib ömrünüzdən
Qoparmısız o illəri!
Ey ağ saçlı müəllimlər!
Tələsməyin, daha bəsdir
Hər işiniz, əməliniz bundan sonra
Bizim üçün ən qiymətli əmanətdir!
Tələsməyin, neçə bahar, neçə xoş gün,
Bir də gənclik sizin kövrək
Qədəmlərin həsrətini çəkəcəkdir!
Bir istəyim vardır sizdən
Ay sevimli müəllimlər!
Ömrünüzün səksəninci baharını
Görmək üçün heç bir zaman
Tələsməyin!
Tələsməyin..!
