Qan yaddaşımız
Bu gün 20 Yanvar faciəsindən 28 il ötür. Bu münasibətlə məktəbimizdə “20 Yanvar – qan yaddaşımızdır” adlı anım mərasimi keçirildi.
Şagirdlər 20 Yanvara aid şeirlər söylədilər, səhnəciklər göstərdilər və videoçarxlar nümayiş etdirildi.
Məktəbin tədbirlər planına uyğun olaraq yanvar ayının 9-dan şagirdlərimiz və müəllimlərimiz Şəhidlər xiyabanını ziyarət etmişlər. Məktəbdə 20 Yanvar faciəsinə həsr edilmiş rəsm və inşa müsabiqəsi keçirilmiş, divar qəzetləri və foto-stendlər hazırlanmışdır.
Bu gün bütün siniflərdə 1-ci dərslər 20 Yanvar faciəsinə həsr olundu. Müəllimlərimiz xalqımızın azadlıq və müstəqillik uğrunda apardıqları mübarizə barədə şagirdlərə ətraflı məlumatlar verdilər.
Allah bütün şəhidlərimizə rəhmət eləsin! Amin...
