Canlılar aləmi mövzusunda dərs-ekskursiya.
Canlılar aləmi mövzusunda dərs-ekskursiya
73 nömrəli tam orta məktəbin ibtidai sinif müəllimi Bayramova Aynur 2 b sinif şagirdləri ilə həyat bilgisi dərsini Bakı Zooloji parkında "Canlılar aləmi" mövzusunda təşkil etdi. Dərs-ekskursiyaların təşkilində məqsəd şagirdləri canlılar aləmi ilə yaxından tanış etmək, onların mövzuları praktik öyrənməsini təmin etmək, dərsə marağını artırmaqdan ibarətdir. Parkda olan heyvanların xarici quruluşu, onların hərəkət növləri əyani şəkildə şagirdlər tərəfindən müşahidə edildi. Şagirdlər heyvanlar haqqında öncədən hazırladıqları maraqlı məlumatları yoldaşları ilə bölüşdülər. Ekskursiyadan sonra şagirdlərə zoopark və oradakı heyvanlar barədə təəssüratlarını əks etdirən esse yazmaları tapşırıldı.
