9 noyabr-Dövlət Bayrağı Günü ilə əlaqədar "Bayaq kimliyimdir, bayraq mənliyim" adlı tədbir keçirildi
Nizami rayonu 70 № məktəb lisey 9 noyabr-Dövlət Bayrağı Günü ilə əlaqədar "Bayaq kimliyimdir, bayraq mənliyim" adlı tədbir keçirilib.
Tədbir Azərbaycan Respublikasının Dövlət himninin səsləndirilməsi ilə başlayıb. Tədbirdə bayrağımızın yaranma tarixi, ulu öndər Heydər Əliyevin Dövlət bayrağı haqqındakı fikirləri, Azərbaycan bayrağının şanlı tarixi haqqında geniş məlumat verilib. Bildirilib ki, ölkə başçısının 17 noyabr 2009-cu il tarixli Sərəncamı ilə təsis edilən Dövlət Bayrağı Günü müqəddəs bayrağımıza, tarixi keçmişimizə və mənəvi-siyasi dəyərlərimizə dövlət səviyyəsində olan diqqət və ehtiramın ən yüksək göstəricisidir.
Məktəbimizin Sağlam Təhsil çərçivəsində oxuyan ibtidai sinif şagirləri 15 mt lik Dovlət Bayrağını başları üzərində böyük fəxrlə meydana gətirdilər.Ətrafda cərgəyə düzülən digər şagirdlər isə havaya üçrəngli şarlar uçurtdular.
Çıxış edənlər Dövlət Bayrağı Gününün bütün azərbaycanlılar tərəfindən qeyd edilməsini milli birliyin nişanəsi adlandırıb, şagirdlərə uğrunda minlərlə Vətən övladının canından keçdiyi bayrağımızı uca tutmağı tövsiyə ediblər.
Həmçinin Ali Baş Komandan İlham Əliyevin rəhbərliyi altında tezliklə torpaqlarımızın düşmən işğalından azad ediləcəyinə, üçrəngli bayrağımızın doğma Qarabağımızın hər bir guşəsində dalğalanacağına əminlik bildirildi.
Tədbirlərdə şagirdlər bayraq, vətənpərvərlik mövzusunda şeirlər söyləyib, mahnılar ifa edib və ədəbi-bədii kompozisiyalar nümayiş etdiriblər.
