70 №-li məktəb-lisey

Nizami rayonunda Novruz bayramı münasibətilə ümumrayon şənliyi keçirildi.Tədbirdə Nizami rayon məktəbləri iştirak edirdi.Proqrama əsasən məktəb lisey

 "Yel çərşənbəsi" ni əks etdirən qrupa daxil idi.Novruz adət-ənənələrini əks etdirən,milli dəyərlərimizi özündə cəm edən bayram dekoru və şagirdlərin rəngarəng çıxışlarla qonaqlara xüsusi zövq verdi.

Bakı Şəhər İcra Hakimiyyətinin qərarına uyğun olaraq 4 mart tarixində Novruz bayramı ərəfəsində, “Novruz bayramını təmiz şəhərlə qarşılayaq” devizi ilə paytaxt ərazisində təmizlik və abadlıqla bağlı ümumşəhər iməcliyi keçirilirdi.

  Məktəb lisey "Bahar iməcliyi" adlı iməclik təşkil etdi.

Bakı Şəhəri üzrə Təhsil İdarəsi (BŞTİ) tərəfindən Heydər Əliyevin 100 illik yubileyinə həsr olunmuş I Bakı İdman Festivalı keçirilib.

Festivalda BŞTİ-nin müdiri Mehriban Vəliyeva, Milli Məclis sədrinin müavini, parlamentin Gənclər və idman komitəsinin sədri Adil Əliyev, Milli Məclisin Komitə sədri, Universal döyüş federasiyasının vitse-prezidenti Sadiq Qurbanov, millət vəkili, Azərbaycan Karate-do Federasiyaları Assosiasiyasının prezidenti Ülvi Quliyev, Nərimanov Rayon Gənclər və İdman İdarəsinin rəisi Nəcəf Novruzov, Azərbaycan Cüdo Federasiyasının vitse-prezidenti Elnur Məmmədli, Avropa və dünya çempionları Rasul Çunayev və Fuad Zeynalov, İdarənin müvafiq struktur bölmə rəhbərləri, idmançılar, məktəb direktorları, müəllimlər, şagirdlər və digər qonaqlar iştirak ediblər.

Öncə qonaqlar idmanın müxtəlif növlərinə həsr olunmuş guşələrlə tanış olub, məktəblilərin ayrı-ayrı idman növləri üzrə çıxışlarını izləyiblər.

Tədbir Dövlət Himninin səsləndirilməsi, Ulu Öndər Heydər Əliyev və Vətən şəhidlərinin xatirəsinin bir dəqiqəlik sükutla yad edilməsi ilə başlayıb.

Çıxış edən BŞTİ-nin müdiri Mehriban Vəliyeva ölkəmizdə idman siyasətinin təməlinin və inkişafının Ümummilli Lider Heydər Əliyevin adı ilə bağlı olduğunu diqqətə çatdırıb. Bildirib ki, Heydər Əliyev ölkəmizə hələ birinci rəhbərliyi dövründə digər sahələrdə olduğu kimi, idmanın da inkişafına böyük qayğı göstərib. M.Vəliyeva Ulu Öndərin milli maraqlara əsaslanmaqla həyata keçirdiyi çoxşaxəli siyasi strategiyasının Prezident İlham Əliyev tərəfindən inamla davam etdirildiyini bildirib.

Elm və Təhsil Nazirliyi və Bakı Şəhəri üzrə Təhsil İdarəsi tərəfindən idmanın inkişafı istiqamətində atılan müvafiq addımlardan bəhs edən İdarə müdiri idman həftəsi çərçivəsində Ulu Öndərin 100 illik yubileyinə həsr olunmuş I Bakı İdman Festivalını yüksək qiymətləndirib. Bildirib ki, bu kimi festivallara şagirdlərimizin həvəslə qatılması idman sahəsinin daha parlaq gələcəyindən xəbər verir.

Milli Məclis sədrinin müavini A.Əliyev və millət vəkili S.Qurbanov Azərbaycanın müstəqillik qazandığı ilk illərdə Ulu Öndər Heydər Əliyevin təməlini qoyduğu idman siyasətinin uğurundan, Prezident İlham Əliyevin idmana, idmançılara və bu sahədə çalışan mütəxəssislərə göstərdiyi böyük diqqət və qayğıdan bəhs ediblər. Həmçinin şagirdlər arasında idmana meyil və marağın gücləndirilməsi məqsədilə məktəblilər arasında təşkil olunan belə festivalların mühüm əhəmiyyətindən danışıblar.

Festival V-XI sinif şagirdlərinin müxtəlif idman növlərində hazırladıqları çıxışlarla və bədii-musiqili proqramla davam edib.

1 Mart Ümumdünya Mülki Müdafiə Günü ilə əlaqədar məktəb liseyin II siniflərində təlim məşq üçün həyəcan siqnalı verildi.Siniflər təxliyə olundular.Müəllim sinif jurnalı ilə şagirdlərin cəld şəkildə həyətə çıxmasını təmin etdi.Daha sonra jurnal ilə şagirdlərin yerində olub olmadıqları yoxlanıldı.Hərbi rəhbər Vasif Qarayev təlim zamanı geniş məlumat verib,görüşü qənaətbəxş qəbul etdi.

Məktəb liseyi 2Ç sinif şagirdləri və müəllim Könül Mollayeva Bilim Bakı mərkəzinin “Deneyap” texnologiya laboratoriyasına gəzinti təşkil etmişdir.Şagirdlər bələdçilərin istiqaməti ilə texnologiyadan əl işlərini əyani olaraq düzəltmiş ,maraqlı zaman keçirmişlər.