Dünya Azərbaycanlılarının Həmrəylik Günü və Yeni İl
Dekabrın 28-də məktəbimizdə "Dünya Azərbaycanlılarının Həmrəylik Günü və Yeni İl" münasibətilə tədbir keçirildi. Tədbir musiqi müəllimi İradə Qafarovanın təşkilatçılığı ilə müxtəlif siniflərdən olan şagirdlərin iştirakı ilə təşkil edilmişdir. Şagirdlər tədbirə çox həvəslə və yüksək səviyyədə hazırlaşmışdılar. Şagirdlərin müxtəlif musiqi alətlərində mahnılar ifa etməsi, rəqslər oynaması tədbiri maraqlı edən xüsusiyyətlərdən biri oldu. Eyni zamanda səhnəciklər, şagirdlərin ifasında mahnılar da tədbirdə yer tuturdu. Tədbir müəllimlər, valideyinlər və şagirdlər tərəfindən maraqla izlənildi.
