"28 May- Müstəqillik Günü"
İbtidai siniflərdə və Azərbaycan Dövlət Pedaqoji Universitetinin ibtidai təhsil fakültəsinin təcrübəçi tələbələrinin təşkilatçılığı ilə "28 May- Müstəqillik Günü" münasibətilə tədbir keçirildi. Tədbirdə ibtidai sinif şagirdləri öz möhtəşəm kompozisiyalarını təqdim etdilər.
Tədbir Azərbaycan Respublikasının Dövlət himni ilə başlandı. Sonra isə aparıcı şagirdlərin təqdimatı ilə şeirlər, səhnəcik, rəqslər və xor qruplarının möhtəşəm ifası ilə davam etdi. Tədbirdə şagirdlərin əl işlərindən ibarət rəsm sərgisi də təşkil olundu. Tədbir şagirdlərin vətənpərvərlik ruhunu özündə əks etdirdi. Tədbirin sonunda məktəbimizin direktoru Sahibə xanım çıxış edərək şagirdləri, müəllimələri və təcrübəçi tələbələri bayram münasibəti ilə təbrik etdi.
