Azərbaycanın Milli Qəhramanı Mübariz İbrahimovun doğum gününə həsr edilmiş tədbir
Fevralın 7-də 54 nömrəli orta məktəbdə Azərbaycanın Milli Qəhramanı Mübariz İbrahimovun doğum gününə həsr edilmiş tədbir keçirildi. Tədbir Azərbaycan dili və ədəbiyyat müəllimi Təranə Eynalova və musiqi müəllimi İradə Qafarova tərəfindən təşkil edildi. Tədbirdə məktəbin rəhbərliyi, müəlim və şagird kollektivi iştirak etdi. Şagirdlərimiz tərəfindən hazırlanmış kompozisiya tədbir iştirakcılarını göz yaşlarına boğdu. Şagirdlərimiz tərəfindən Mübariz İbrahimovun həyatının müəyyən məqamlarını əks etdirən səhnəciklər nümayiş etdirildi. 10 "b" sinif şagirdi Məmmədli Rövşən Mübariz obrazını canlandırdı. Səhnələşdirilmiş obrazda Mübarizin son məktubu oxundu və düşmən üzərinə getdiyi son gedişi təsvir olundu.Tədbirin sonunda məktəbin direktoru S.Abbasova tədbir haqqında öz xoş fikirlərini çatdırdı və ölməz qəhramanın şərəfli həyat yolu barədə şagirdlərə ətraflı məlumat verdi.
