20 Yanvar-Qan yaddaşımız
54 nömrəli orta məktəbdə 20 Yanvar faciəsinin 27-ci ildönümü ilə əlaqədar silsilə tədbirlər keçirildi. Belə ki, şagirdlər sinif və məktəb divar qəzetləri hazırladı, şagirdlərin əl işlərindən və rəsm əsərlərindən ibarət sərgi təşkil olundu. Siniflərarası voleybol yarışı keçirildi. Məktəbimizin 20 Yanvarda şəhid olan 5 nəfər məzununun ailəsi ilə görüş keçirildi və onlar faciəyə həsr olunan tədbirdə iştirak etdilər. Yanvarın 19-da məktəb üzrə birinci dərslər 20 Yanvara həsr edildi. Eyni zamanda "20 Yanvar-qan yaddaşımız" adlı tədbir keçirildi. Tədbirdə məktəbin müəllim və şagird kollektivi iştirak etdi. Şagirdlər tərəfindən hazırlanmış İlham və Fərizənin həyat hekayəsini əks etdirən səhnəcik tədbir iştirakçılarını təsirləndirdi. Tədbirdə məktəblilər tərəfindən hazırlanmış şəhidlərimizdən bəhs edən slayd nümayiş olundu. Tədbirin sonunda məktəbin direktoru Sahibə Abbasova çıxış etdi. Daha sonra müəllim və şagird kollektivi məktəbin həyətində 20 Yanvar şəhidlərinin xatirəsinə ucaldılmış abidə önünə gül-çiçək dəstələri qoydular.
