VI Qrant Müsabiqəsi layihəsi "Rəqəmsal GÜC"
Azərbaycan Respublikası Elm və Təhsil Nazirliyinin təşkil etdiyi Təhsildə İnkişaf və İnnovasiyalar üzrə VI Qrant Müsabiqəsində “Fərdi” kateqoriya üzrə məktəbin dərnək rəhbəri Həsənova Aytən Nadir qızı qalib olmuşdur. 11.10.2022-ci il tarixdə "Rəqəmsal Güc “ layihəsinin açılış mərasimi keçirildi.
Mərasimdə məktəbin direktoru,layihə rəhbəri, layihənin idarə heyəti və məktəbin müəllim heyəti iştirak etmişdir.İlk öncə məktəbin direktoru tədbir iştirakçılarını salamlayaraq, layihənin əhəmiyyətindən danışdı.Daha sonra layihə rəhbəri Aytən Həsənova layihə barədə məlumat vermiş, məqsəd və vəzifələri açıqlamışdır.
Layihənin eksperti STEAM üzrə mütəxəsis STEM PD və Scientix Azərbaycan səfiri Aliyə Əhmədova layihənin icra planının aylar üzrə həyata keçirilməsi barədə öz məlumatlarını , layihənin təlimçiləri Şəfəq Ələkbərova və Sevinc Əliyeva isə layihə çərçivəsində təşkil ediləcək təlimlərin qısa məzmunu , gözlənilən nəticələr barədə qısa məlumat verdilər.
