Qəlblərdə yaşayan qəhrəman
Məktəbdə şəhid məzun Zülfüqar Ataşlının anım tədbiri keçirildi. Tədbirdə Ataşlı Zülfüqarın ailə üzvləri, məktəb rəhbərliyi və şəhidin adını daşıyan sinfin şagirdləri iştirak etdilər. Dövlət Himni ilə başlanan tədbirdə şəhidlərin əziz xatirəsi yad edildi, istedadlı şagirdlərin ifasında ədəbi-bədii kompozisiya nümayiş olundu. Daha sonra şəhidin ailə üzvləri dəyirmi masa ətrafında şagirdlərin marağı əsasında ünvanlanmış sualları cavablandırdılar, şəhidlərə həsr olunmuş guşənin qarşısında xatirə şəkilləri çəkildi.
