Qəhrəman məzun yad olundu
Məktəbdə şəhid Murad Qurbanovun əziz xatirəsi anıldı . "Qəhrəman məzun" adlı anım tədbirində Murad Qurbanovun anası Mehriban xanım Əmrahova, məktəb rəhbərliyi və şəhidin adını daşıyan I "A" sinif şagirdləri iştirak etdilər. Dövlət Himni ilə başlayan tədbirdə Vətən uğrunda şəhadətə ucalmış qəhrəmanların xatirəsi bir dəqiqəlik sükutla yad olundu. Daha sonra sinif şagirdlərinin vətənə məhəbbət mövzusunda söylədikləri şeirlər və ifa etdikləri mahnılar dinlənildi. Sonda Murad Qurbanovun keçdiyi həyat yolu haqqında video-çarx nümayiş olundu.
