Dilimizi yad sözlərdən təmizləyək
21 fevral Beynəlxalq “Ana dili günü” ilə əlaqədar Bakı şəhəri 5 nömrəli tam orta məktəbdə “Məktəblinin Dostu” layihəsi çərçivəsində 8-ci sinif şagirdləri ilə “Gəlin, dilimizi yad sözlərdən təmizləyək!” başlığı altında viktorina keçirildi. 7 komandanı təmsil edən bu yarışda şagirdlər aparıcı Gülnar Süleymanova tərəfindən səsləndirilən əcnəbi söz daxil olmaqla cümlələri çevik, sırf Azərbaycan dilində səsləndirib ?xallar qazanırdılar. Ümümilikdə 60 sualı özündə əks etdirən yarışı “8ç” komandasının qalibiyyəti ilə başa çatdı. Məktəblinin Dostu və məktəb rəhbərliyi ilə birgə keçirilən bu yarışda məktəbin direktoru N.Gündüzlü qalib şagirdləri təbrik etdi və onlara layihə çərçifəsində sertifkatlar təqdim olundu. Azərbaycan dilimizin rəngarəngliyi,təmiz və saflığı hər bir kəs tərəfindən qorunub saxlanılmalıdır.
