5 №-li tam orta məktəb

13-17 dekabr tarixlərində   Bakı şəhəri  5 nömrəli  tam orta məktəbdə illik fəaliyyət planına uyğun olaraq 6-cı siniflərdə Azərbaycan dili və riyaziyyat fənnindən monitorinq keçirildi. Azərbaycan dili fənnindən şagirdlər mətn üzrə oxuyub -anlama qabiliyyətlərini, riyaziyyat fənnindən isə açıq tipli suallara cavab verməklə öz biliklərini nümayiş etdirdilər.

17 dekabr 2018-ci il tarixdə Bakı şəhəri 5 nömrəli tam orta məktəbdə Azərbaycan Respublikası Səhiyyə Nazirliyinin İctimai Səhiyyə vəə İslahatlar Mərkəzinin əməkdaşları İnara Makayeva, Elvira Əliyeva, Nərmin Hüseynova tərəfindən “Sağlam həyat və biz” başlığı altında “Breyn rinq” yarışı keçirildi. Yarışda məktəbin 7-8-ci sinif şagirdləri fəallıq göstərərək verilən suallara cavab verib, müxtəlif oyunların iştirakçısı oldular. Yarış qalib olmuş uşaqların mükafatlandırılması ilə başa çatdı.

BMT-nin Baş Assambleyasının təçəbbüsünə əsasən 2003-cü ildən başlayaraq dünyada 11 dekabr Beynəlxalq “Dağlar Günü” kimi qeyd olunur. Dünyada hər il belə adlı günün keçirilməsinin məqsədi başlıca olaraq dağ sistemlərinin qlobal miqyaslı əhəmiyyətinin cəmiyyət qarşısında bir daha qaldırılmasıdır. Odur ki, Bakı şəhəri 5 nömrəli tam orta məktəbin şagirdlərinin bu mövzu ilə bağlı təqdimatı keçirildi . Uşaqlara bəlli oldu ki, dağlar Yer kürəsinin 27 faizini təşkil edir.İqtisadi artımda böyük rola malikdirlər.

Şagirdlər təqdimatlarında qeyd etdilər ki,dünyada 720 milyon nəfərin rifahını təmin edən dağlar təmiz su, enerji, qida mənbəyidir.

Lakin iqlim dəyişkənliyi , meşəsizləşdirmə, təbii fəlakətlərdən dağlar da sığortalanmayıblar.

Sonda şagirdlər Azərbaycanın dilbər guşəsi olan Dağlıq Qarabağın təbiətindəki dağların rolundan danışdılar və “ balaca ekspeditorlar” rol alaraq  dağ ətəyindəki söhbətin təsvirini yaratdılar.

Dekabrın 12-si xalqımızın ümummilli lideri,çoxəsrlik Azərbaycan tarxində misilsiz xidmətləri ilə əbədiyaşar mövqe qazanmış Ulu Öndər Heydər Əliyevin anım günüdür.Bu günlər bütün təhsil ocaqlarında olduğu kimi Bakı şəhəri 5 nömrəli tam orta məktəbdə də Ulu Öndərin xatirəsi böyük ehtiram və hörmətlə yad edildi.Bu tarixi günlə bağlı məktəbin şagirdləri Fəxri xiyabanda dahi şəxsiyyətin məzarını ziyarət etdilər.Həmin gün “Böyük xilaskar” başlığı altında bütün siniflərdə “Açıq dərslər” keçirildi.Dərslərdə şagirdlərə Heydər Əliyevin həyat və yaradıcılığına həsr etdirlinən video çarxlar nümayiş etdirildi. Daha sonra məktəbin tarix müəllimləri, Uşaq parlamentinin üzvlərinin təşkilatçılığı ilə “Əbədiyaşar insan” başlığı altında dəyirmi masa keçirildi,üzvlər Ulu Öndərin Azərbaycan dövlətinə bəxş etdiyi töhvələrdən danışıb,təqdimatlar etdilər.Keçirilən tədbirlər bir daha sübut etdi ki, dahilər ölməzdir,tarixdə qoyduqları izlər onları əbədi edir və Heydər Əliyevi Azərbaycan xalqı qəlbində yaşadır.

Uşaqların sağlamlığının qorunması məsələsi dövlətimizin daim diqqət mərkəzindədir.Son illərdə ölkəmizdə bu sahədə mühüm nailiyyətlər əldə edilməkdədir.Bu məqsədlə də 11 dekabr 2018 ci il tarixdə Bakı şəhəri 5 nömrəli tam orta məktəbdə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin əməkdaşları tərəfindən məktəblilərin şəxsi gigiyena qaydalarına necə əməl etməyi və onların sağlamlığında rolu mövzusunda  görüş keçirildi.Görüşdə Səhiyyə Nazirliyinin İctimai Səhiyyə və İslahatlar Mərkəzinin həkim-metodisti İrana Makayeva, Nərmin Əliyeva uşaq və yeniyetmələrin sadə,gündəlik yerinə yetirilən gigiyenik prosedurların insanın sağlam olmasında, orqanizmin normal inkişafında böyük rolu haqqında danışdılar.Əməkdaşlar tədbirin sonunda iştirakçılara maarifləndirici sənədlər payladılar.