5 №-li tam orta məktəb

Ulu öndər Heydər Əliyevin anım gününə həsr olunmuş 7-8-9-10-cu sinif şagirləri arasında volleybol idman yarışı keçirildi. Yarış zamanı şagirdlər yüksək ruhda iştirak edərək, həm öz bacarıqlarını nümayiş etdirdilər, həm də Ulu öndərin xatirəsini yad etdilər. 

Belə tədbirlər həm şagirdlərin fiziki hazırlığını, sağlamlıqlarını gücləndirir, həm də onlara vətənpərvərlik dəyərləri aşılayır. 

Məktəbdə dekabr ayı "Bulinqlə mübarizə" ayı elan olunub. "Bullinqlə mübarizə aylığı" çərçivəsində məktəbin sinifdənxaric və məktəbdənkınar təşkilatçısı Z.Şirinova, psixoloqlar G.Gülalova və G.Göyüşova, UBR S.Alıyeva "Bullinqlə mübarizə"yə qarşı yaradılmış şagird şurasının üzvləri ilə iclas keçirdilər. Tədbirlər planına uyğun görüləcək işlər müzakirə olundu, şura üzvlərinin təklifləri dinlənildi.

Bakı Şəhəri üzrə Təhsil İdarəsinin tabeliyindəki təhsil müəssisələrində ulu öndər Heydər Əliyevə həsr olunmuş tədbirlər təşkil olunub.

Anım tədbirlərində Azərbaycan Respublikasının Dövlət Himni səsləndirilib, Ümummilli Liderin əziz xatirəsi bir dəqiqəlik sükutla yad olunub.

Tədbirlərdə Heydər Əliyevin nəsillərə nümunə olan həyat və fəaliyyətindən, onun xalq və ölkə qarşısındakı əvəzsiz xidmətlərindən, Azərbaycanın müstəqilliyi yolunda atdığı uğurlu addımlardan bəhs olunub. Ulu Öndərin Azərbaycana rəhbərliyinin bütün dövrlərində yürütdüyü uzaqgörən siyasət nəticəsində ölkəmizin nüfuzunun artması, hərtərəfli inkişafa nail olunması, müstəqilliyimizin əbədi və dönməzliyinin tam təmin edilməsi barədə şagirdlərə ətraflı məlumat verilib. Dahi Liderin diqqət və qayğısı sayəsində digər sahələr kimi, təhsil sahəsində də böyük nailiyyətlərin əldə olunduğu vurğulanıb.

Həmçinin Azərbaycan xalqının yaddaşında Heydər Əliyevin qurucu və xilaskar dövlət xadimi kimi əbədi olaraq yaşadığı, əziz xatirəsinin daim ehtiram və minnətdarlıqla yad edildiyi bildirilib.

Tədbirlərdə Heydər Əliyevin siyasi xəttinin bu gün Prezident İlham Əliyev tərəfindən uğurla davam etdirildiyi, Azərbaycanın dövlət quruculuğu yolunda inamla irəlilədiyi, ərazi bütövlüyümüzün və suverenliyimizin təmin olunduğu şagirdlərin diqqətinə çatdırılıb. 

Anım tədbirlərində məktəblilər Ulu Öndərə həsr olunan şeirlər söyləyib, ədəbi-bədii kompozisiyalar nümayiş etdiriblər. Həmçinin Heydər Əliyevin həyat və fəaliyyətinə dair videoçarxlar təqdim olunub.

Paytaxt məktəblərinin müəllim və şagird kollektivlərinin Heydər Əliyevin anım günü ilə bağlı Fəxri xiyabana ziyarətləri də təşkil olunub.

11 dekabr 2024-cü il tarixdə məktəb kitabxanasında 8-ci sinif şagirdlərinin iştirakı ilə K.Məmmədova və A. Məmmədovanın təşkilatçılığı altında Ulu Öndər Heydər Əliyevin anım günü ilə əlaqədar "Əvəzsiz, dahi lider!" adlı təqdimat gecəsi keçirildi. Şagirdlər Ulu Öndər Heydər Əliyevə, Vətənə, Bayrağa həsr olunmuş təqdimatlar hazırlayıb, şeirlər söylədilər. Təqdimatlarda böyük şəxsiyyətin həyatı və Azərbaycan naminə, ölkəmizin inkişafı yolunda gördüyü saysız hesabsız işlər barədə məlumat verdilər.

Məktəbin illik fəaliyyət planına uyğun olaraq 26- 28 noyabr tarixlərində Ill, lV siniflərdə rus bölməsi üzrə dövlət dili (Azərbaycan dili) fənnindən monitorinq keçirildi. Monitorinqin məqsədi bu siniflər üzrə şagirdlərin hazırlıq səviyyəsinin yoxlanılması idi.