5 №-li tam orta məktəb

14 mart 2025-ci il tarixdə məktəbin 1-2-ci sinif şagirdlərinin iştirakı ilə Novruz bayramına həsr olunmuş "Novruz gəlir, yaz gəlir" adlı xor kollektivindən ibarət tədbir keçirildi. 

Tədbir zamanı şagirdlər bahar bayramı ilə əlaqədar müxtəlif səpkili uşaq mahnıları ifa etdilər. Tədbir zamanı  şagirdlərin bayram ab-havalı ifaları şagird və valideynlərdə yüksək  əhval ruhiyyə yaratdı. 

Mütaliə təfəkkürü dərinləşdirir. Əgər insan çox mütaliə edərsə onun dünyaya baxışı zəngin olar. Kitab bizim keçmişimiz və gələcəyimiz arasında bir körpü rolunu oynayır. Bu məqsədlə şagirdlərin kitabxanaya cəlb olunması istiqamətində məktəb kitabxanasında kitabxanaçılar K.Məmmədova və A.Məmmədovanın rəhbərliyi altında müxtəlif tədbirlər həyata keçirilir. 

Hər il olduğu kimi bu il də 12 mart 2025-ci il tarixdə keçirilən "Mütaliə-ruhun qidasıdır" - aylığının qalibləri müəyyən olundu. Qalib kimi Həsənli Nuray - 4a, Vəlizadə Günay - 4l, Osmanova Lalə -4a, fəal oxucu kimi Məmmədova Zəhra - 4l, Məmmədova Nərgiz - 4a, Quluzadə Rəfiqə - 6b Diplom və kitab hədiyyəsi ilə mükafatlandırıldı. 

Məktəbin illik fəaliyyət planına uyğun olaraq 11 mart tarixində Ill siniflər üzrə Həyat bilgisi fənnindən monitorinq keçirildi. Monitorinqin məqsədi bu siniflər üzrə şagirdlərin hazırlıq səviyyəsinin yoxlanılması idi. 
 

10 mart 2025-ci il tarixdə məktəbdə "İdman həftəsi" layihəsi çərçivəsində iştirakçı şagirdlər  göstərdiyi yüksək bacarıq və qabiliyyətinə görə mükafatlandırıldı. Qalib şagirdlərimizi təbrik edir və onlara yeni uğurlar arzulayırıq.

5 mart 2025-ci il tarixdə məktəbdə "İdman həftəsi" layihəsi çərçivəsində "Sağlam qidalanma"  mövzusunda maarifləndirici rəsm dərsləri keçirildi. Dərs zamanı şagirdlərə sağlamlığa hansı qidalar daxildir və hansı qidalar zərərlidir mövzusunda geniş məlumat verildi.