Valideynlərə təşəkkür məktubu
Zəfər tarixinin bəxş etdiyi qürur hissi ilə qədəm qoyduğumuz yeni dərs ili - gənc nəslin Zəfər tariximizdən sonrakı mərhələdə vətənpərvərlik, milli-mənəvi dəyərlər ruhunda tərbiyə edilməsi üçün böyük bir zəmin yaratmışdır. Məktəbin “Zəfər günü” ilə bağlı tədbirlər planına əsasən keçirilən müxtəlif səpkili tədbirlərdə yüksək bacarıq, nitq qabiliyyəti və səhnə mədəniyyəti nümayiş etdirən şagirdlərimizin valideynlərinə məktəb rəhbərliyi adından təşəkkür məktubu göndərildi. Ümüdvarıq ki, tutduğumuz istiqamət daimi olub, Azərbaycanımız naminə hər zaman valideynlərlə əməkdaşlığımız ön planda olacaqdır.
