Zəfərə aparan yol
04 noyabr 2022-ci il tarixdə 321 nömrəli tam orta məktəbdə 8 noyabr-Zəfər Gününə həsr olunmuş tədbir keçirildi.Yüksək səviyyədə hazırlanmış tədbirdə Qaradağ Rayon İcra Hakimiyyətinin Qobustan qəsəbə nümayəndələri,"Qaradağ Gənclər Evi"nin rəsmiləri,Qarabağ müharibəsi iştirakçıları,qazilər,şəhid anaları iştirak edirdilər.Şagirdlərimizdən Hüseynova Xanımın ifa etdiyi "Qələbə günüdür,zəfər günüdür"mahnısı, Xanəliyeva Leylanın ifa etdiyi "Azərbaycan"mahnısı, Nağılı Əkbərin səsləndirdiyi "İstiqlal marşı"şeiri,Süleymanlı Əsmayənin "Sarı gəlin"rəqsi,Rəhimli Rafiqin sazda ifa etdiyi "Misri"havası və digər çıxışlar tamaşaçıların böyük marağına səbəb oldu.Məktəbimizin hərbi rəhbəri,Qarabağ Müharibəsi iştirakçısı,kapitan Azər Verdiyev bildirdi ki,bizi Böyük Zəfərə aparan qüvvə Ali Baş komandan ,prezident İlham Əliyevin güclü iradəsi,düzgün siyasəti,xalq və lider birliyi ,rəşadətli ordumuzdur. Daha sonra qazilərə məktəb direktorunun imzaladığı diplomlar təqdim edildi.Sonda qonaqlar gözəl tədbir və dəvət üçün məktəbin direktoru Könül Hüseynovaya öz təşəkkürlərini bildirdilər.321 nömrəli tam orta məktəbin və şəxsən Könül xanımın qazilərə,şəhid analarına xüsusi diqqət ayırmasının təqdirəlayiq olduğunu bildirdilər.
