"Zəfər tarixi" konfransı- I mərhələ
17 oktyabr 2022-ci il tarixdə məktəbin akt zalında "Zəfər tarixi" adlı konfrans təşkil edildi.Konfransda 9-cu sinif şagirdləri iştirak edirdilər.Məktəbin tarix müəllimi Əliyeva İlahə Zəfər tariximiz barədə çıxış etdi.Şanlı zəfərimizə aparan yol, bu yolda dövlət başçımız İlham Əliyevin uzaqgörən siyasəti, ordumuzun qəhrəmanlığı, qələbədən sonra azad olunmuş torpaqlarımızda aparılan quruculuq işləri, orada keçirilən əhəmiyyətli tədbirlər barədə məlumat verdi.Təqdimatların hazırlanmasında və nümayiş etdirilməsində Xb sinif şagirdi Əzimova Günay da tarixçi müəllimimizə kömək etdi.
Konfransın keçirilməsində əsas məqsəd Azərbaycanın ərazi bütövlüyü uğrunda şücaət göstərərək şəhidlik zirvəsinə ucalmış oğullarımızın şagirdlər arasında tanıdılması və gənc nəslin vətənpərvərlik ruhunda tərbiyə edilməsidir.
