Milli Qəhrəman Yusif Əliyevin anım günü
26 sentyabr 2022-ci il tarixdə Qobustan qəsəbəsindəki Mədəniyyət evində Azərbaycanın Milli QəhrəmanıYusif Əliyevin anım günü tədbiri keçirildi.Tədbirdə Qaradağ rayon icra başçısı S.Mikayılov,deputat A.Hüseynov,idarə və müəssisə rəhbərləri iştirak edirdilər.Yusif Əliyev 1991-ci ilin fevralında ilk dəfə polis kimi döyüşə yollanır.Elə həmin ilin sentyabrın 14-də düşmən əsarətində qalan döyüş yoldaşlarına sursat çatdırarkən qəhrəmancasına şəhid olur.Ölümündən sonra Azərbaycan Respublikası Prezidentinin fərmanı ilə "Azərbaycanın Milli Qəhrəmanı"adına layiq görülmüşdür.
Anım gecəsində rəsmi qonaqlar,şəhidin ailə üzvləri,döyüş yoldaşları çıxış etdilər.Qəsəbə məktəblərinin şagirdləri şeirlər söylədilər,kompozisiyalar nümayiş etdirdilər.321 nömrəli tam orta məktəbin şagirdlərinin çıxışı xüsusilə fərqləndi.8c sinif şagirdi Raulun ifasında məktəbimizin Azərbaycan dili və ədəbiyyat müəllimi Nağılı Lalənin Yusif Əliyevə həsr etdiyi "Ən uca mərtəbəyə yüksəlmisən,başı dik"adlı şeiri hamının rəğbətini qazandı.
