320 №-li tam orta məktəb

    Məkəbin  8 c  sinif şagirdi  Cəfərov Əli Tural oğlu  İran İslam Respublikasında  13 yaşlılar arası  48kq çəki  dərəsi üzrə “Dostluq  yarışı”  adlı “Kinboks”   idman növü üzrə birinciliyə laiq görülmüşdür.

    Yanvarın 17-də   məktəbdə 20 Yanvar  faciəsinin   30-cu ildönümü    ilə əlaqədar,siniflərdə açıq dərslər keçirildi . 5d sinfində  “Şəhid ruhu ölməzdir” adlı inşa yazı işləri   aparıldı .  5a sinfində  şagirdlər 20 Yanvar  faciəsinə həsr olunmuş   rəsmlər çəkdilər.Məktəbin bütün siniflərində bu qan yaddaşımızla bağlı şagirdlərə  ətraflı məlumat verildi.  Faciəyə aid  divar qazetləri hazırlandı. “ Şəhidlər ölməzdir” adlı ümumiməktəb tədbiri keçirildi.Tədbirdə ilk öncə şəhidlərin ölməz xatirəsi bir dəqiqəlik sukutla yad edildi.Tədbirdə şagirdlər şeir nümunələri və kompozisiyalarla çıxış etdilər.

        23 oktyabr  2019-cu il tarixdə Təhsil  Nazirliyi  tərəfindən  V  siniflərdə tədris dili, riyaziyyat  və xarici dili   fənni üzrə  keçirilmiş monitorinqin  nəticəsi   məktəbdə 4 və  5 –ci siniflərdə dərs aparan  müəllimlərlə birlikdə   müzakirə olundu.

            İmtahanda   iştirak edən  141   şagirdin  nəticələri,    siniflər üzrə  monitorinq  zamanı  topladıqları  balla  4-cü  sinfin  yekun nəticələri   müqayisə olundu. Qızıarın orta bal göstəricisi  oğlanların  orta  bal  göstəricisindən  yuxarı olması, 4-cü sinifdə  illik   80-100 balla başa vuran  şagirdlərin monitorinqdə    0-30 bal aralığında   bal toplamaları  geniş təhlil  edildi.

            5a və 5c  sinfində  oxuyan  şagirdlərin  daha yüksək, 5ç  və 5 d siniflərində  oxuyan   şagirdlərin isə  aşağı  nəticələr əldə etmələri  vurğulandı.  Yol verilmiş  nöksanların aradan  qaldırılması istiqamətində lazımı işlərin  görülməsinə  diqqət yetirilməsi, məktəb rəhbərliyi  və müəllimlər təfəfindən  bir vəzifə olaraq qarşıya  qoyuldu. 

20 Yanvar  şəhidlərinin  30-cu  ildönmü  ilə əlaqədar  yeniyetmələr üzrə  Abşeron Olimpiya  kompleksinin  açıq    birinciliyində    “Boks”  idman növü üzrə  məktəbin şagirdləri  Həsənov Eşqim, Süleymanlı  Səmral, Feyzullayev İlkin,Məmmədov İslam, Pənahlı Səid  I yer tutduqlarına göre diplomla və qızıl medalla təltif olunmuşlar.Məktəbin gənc idmançılarına  gələcəkdə də yüksək nəticə əldə etmələrini  arzulayırıq.

Məktəbdə 31 dekabr-Dünya Azərbaycanlılarının Həmrəylik Günü və Yeni il münasibətilə bayram tədbiri keçirildi