Ekoloji aylıqlar layihəsində Azərbaycanın biomüxtəlifliyi mövzusu ətrafında Mərdəkan dendrarisi və Bakı Zooparkına ekskursiya təşkil olundu
“Ekoloji aylıqlar”layihəsində “Azərbaycanın biomüxtəlifliyi” mövzusu ətrafında Mərdəkan dendrarisi və Bakı Zooparkına ekskursiya təşkil olundu. Şagirdlər dendrarinin zəngin kolleksiyaları ilə tanış oldular.Mərdəkan dendrarisində həm Azərbaycandan,həm də dünyanın digər yerlərindən gətirilmiş təxminən 1800 növ ,o cümlədən 1540 bitki forması təmsil olunub.Nəsli kəsilməkdə olan nadir endemik bitkilərə bağda xüsusi guşə ayrılıb.”Azərbaycanın Qırmızı Kitabı”na daxil olan 141 növ ağac növündən 69-u bu bağda yetişdirilir.Burada dünya florasından 380 qızılgül, 9 nərgiz, 25 zanbaq,15-dən çox lalə növü və digər müxtəlif gül-bəzək kolleksiyaları da toplanıb.
