Muzeylərə səyahət
"Dilimizi qoruyaq" şüarı altında tədbirlərin keçirilməsi ilə bağlı 21 yanvar 2024-cü il "Ana dili " aylıqlarının təşkili çərçivəsində III ayın mövzusuna uyğun olaraq məktəbimizin V A sinfi Xalça muzeyində və Şirvanşahlar sarayında olmuşdur. V A sinfinin rəhbəri - Azərbaycan dili və ədəbiyyat müəllimi Musayeva Sevinc onlara bələdçilik etmiş, şagirdləri tariximizin şahidi olan Şirvanşahlar sarayı haqda məlumatlandırmış, onları eksponatlarla tanış etmişdir. Həmçinin Xalça muzeyində şagirdlər özündə tariximizi və milli ornamentləri qoruyub saxlayan xalça nümunələri ilə də tanış olmuşdurlar. Ümumilikdə, muzeylər və tarixi yerlərlə tanışlıq şagirdlərin yaddaşında dərin iz buraxmışdır.
