“Oxu günü” həftəsi çərçivəsində bədii kompozisiya təşkil olundu
20 aprel 2018-ci il tarixindən 5a sinfində Cəbiyeva Elmiranın təşkilatçılığı ilə “Oxu günü” nə həsr edilmiş Əzizə Əhmədovanın “Ana laylası” əsəri müzakirə edildi. Şagirdlər əvvəlcə laylalar haqqında debat təşkil etdilər, laylaların məzmun və forma xüsusiyyətlərini nümunələr əsasında izah etdilər. Daha sonra şagirdlər “Ana laylası” adlı kompozisiya ilə çıxış etdilər. Kompozisiyada heyvanların, quşların və eyni zamanda bütün canlıların analıq duyğusuna malik olması, onların da balaların qayğı və məhəbbət göstərə biləcəkləri nümayiş olunaraq, “Ən gözəl layla hansıdır?” sualına cavab axtarıldı. Kompozisiyanın sonunda bütün heyvanlar, quşlar belə qərara gəldilər ki, ən gözəl, məlahətli layla məhz Ana laylasıdır.
