Beynəlxalq Ana dili günü
21 Fevral - Beynəlxalq Ana dili günüdür. Ölkəmizdə Ana dilinin hərtərəfli inkişafı, işlək dilə çevrilməsi, beynəlxalq münasibətlər sisteminə yol tapması, ulu öndər Heydər Əliyevin dilin qorunmasına yönələn düşünülmüş siyasətinin nəticəsidir. Məktəbin fəaliyyət planına əsasən “Beynəlxalq Ana dili günü” münasibətilə “Ana dilim şirindir” adlı bilik yarışı keçirilib. Bilik yarışı VII və VIII sinif şagirdlərindən ibarət 4 komanda arasında təşkil olunmuşdur. Şagirdlərə 4 mərhələ ərzində Azərbaycan dili, ədəbiyyat, milli filmlərdən ibarət suallar təqdim olundu. Şagirdlərin əylənərək öyrəndiyi yarışın sonunda “Dilçilər” komandası qalib gəldi. Sonda komandalar məktəbin direktoru Fidan Axundova tərəfindən diplomlarla təltif olundu.
