IV sinfin sinif rəhbərlərilə iclas keçirildi
Aprelin 14-ü 2024-cü il tarixdə Təlim-tərbiyə işləri üzrə direktor müavini Şəbnəm Məmmədovanın təşkilatçılığı ilə IV sinfin sinif rəhbərlərilə iclas keçirilmişdir.
İclasda Azərbaycan Respublikası Elm və Təhsil Nazirliyinin ümumi təhsil müəssisələrinin IV siniflərində təhsil alan şagirdlərin tədris dili və riyaziyyat fənləri üzrə təhsil nailiyyətlərinin ölçülməsi məqsədilə mayın 18-də təşkil edəcəyi monitorinq haqqında danışılmışdır.
ARTİ tərəfindən göndərilən çərçivə sənədi əsasında sinif rəhbərlərinə monitorinq qaydaları, təhsilalanlara təqdim edilən tapşırıqların növü, sayı, çətinlik səviyyəsi, monitorinqin davametmə müddəti, keçiriləcəyi vaxt və digər məsələlər haqqında məlumat verilmişdir.
