İlk dərslər "Qarabağ Azərbaycandır!"mövzusuna həsr olundu
15.09.2022-ci tarixində 307 nömrəli tam orta məktəbdə Bilik gününə həsr olunmuş tədbir keçirildi. Azərbaycan Respublikasının Dövlət Himni səsləndirildi.Ardınca məktəbin direktoru Nizami Qasımzadə torpaqlarımızın bütövlüyü uğrunda canlarından keçən şəhidlərimizin əziz xatirəsini bir dəqiqəlik sükutla yad edilməsini söylədi və birinciləri salamladı . Birinci sinif şagirdləri əvvəlki illərdən fərqli olaraq, məktəb həyatına üçrəngli bayraqlarla və şəhid şəkilləri ilə gəliblər.15 sentyabr 2022-ci il tarixində ilk dərslər "Qarabağ Azərbaycandır!" mövzusuna həsr edildi. Qeyd edək ki, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən törədilən genişmiqsaylı təxribat zamanı şəhid olanların xatirəsinə hörmət əlaməti olaraq 15 sentyabr - Bilik Günü təntənəli şəkildə qeyd edilməyib.
