Xocalıya aparan yol
Qədim memarlıq və ilk mədəniyyət abidələri ilə zəngin olan Xocalı şəhərini 32 il bundan əvvəl öz əhalisi ilə birlikdə erməni vəhşiləri və onların havadarları yer üzündən silmək istədilər. Xocalı şəhərində "Əsrin faciəsi" yaşandı.
32 il keçməsinə baxmayaraq hər bir azərbaycanlının qəlbindəki o inilti heç vaxt unudulmur. Xalqımızın qəlbinə vurulan Xocalı yarası indi artıq qaysaqlamağa başlayıb. Müzəffər ordumuz və Ali Baş Komandan İ.Əliyev , eləcə də, xalqın birliyi nəticəsində zəfər qazanan ordumuz Xocalını da düşmən tapdağından xilas etdi. Nəhayət, gözü yolda qalan Xocalı və o torpaqdakı nigaran ruhlar azad oldu.
Bu mövzuda keçirilən "Dəyirmi masa"nı məktəbin tarix müəllimi açıq elan etdi. Xocalıda xalqın başına gətirilən vəhşiliklərdən ,Azərbaycanın mərd oğullarının düşmənə qarşı vuruşmağından danışan V.Məmmədov artıq Xocalının azadlığından , xocalıların doğma torpaqlarına qovuşmalarından danışdı. Xocalıda şəhid olanlar 1 dəqiqəlik sükutla yad edildi.