“Su ilə bağlı yayıla bilən infeksiyalar”
"SU İLƏ YAYILA BİLƏN İNFEKSİYALAR"
Su vasitəsilə yoluxan infeksiyalar dünyadakı bütün ölüm səbəbləri arasında ikinci sırada yer alır. Suların dezinfeksiyası və saflaşdırılması, insanların sağlamlıq və gigiyena mövzularında maarifləndirilməsi su ilə yoluxan infeksiyaların azalmasına gətirib çıxarır. Su ilə yayılan xəstəliklər təkcə infeksion xəstəliklər deyil. Suda olan müxtəlif ağır metallar, çöküntülər insan orqanizmində toksiki vəziyyətlərə gətirib çıxara bilər. İnfeksion xəstəliklərin əksəriyyəti ishal ilə müşayiət olunur.
Qaradağ Rayonu Gigiyena və Epidemiologiya Mərkəzinin yeniyetmələr arasında su ilə bağlı gigiyenik biliklərin artırılması məqsədilə məktəbimizə məktubu daxil olmuşdur.Bununla əlaqədar məktəbin tibb bacısı informasiya-maarifləndirmə kampaniyasının keçirilməsi üçün metodiki təlimata əsasən bütün siniflərdə “Su ilə bağlı yayıla bilən infeksiyalar” haqqında geniş söhbət apardı.
