“İçərişəhər” Dövlət Tarix-Memarlıq Qoruğuna ekskursiya
Təhsil Nazirliyi ilə Heydər Əliyev Mərkəzi və “İçərişəhər” Dövlət Tarix-Memarlıq Qoruğu İdarəsinin Elmi – mədəni mərkəzi arasında imzalanmış müvafiq müqavilələrə əsasən, Bakı şəhərində yerləşən ümumtəhsil məktəblərinin şagirdlərinin 2022-ci ilin aprel – dekabr ayları ərzində Heydər Əliyev Mərkəzinə və “İçərişəhər” Dövlət Tarix - Memarlıq Qoruğuna ekskursiyaları nəzərdə tutulmuşdur. Müqaviləyə əsasən aprelin 25 – də məktəbin 8 – ci sinif şagirdləri (60 nəfər) “İçərişəhər” Dövlət Tarix – Memarlıq Qoruğuna ekskursiya etdilər.
Ekskursiya zamanı şagirdlər təyin olunmuş bələdçi tərəfindən Şirvanşahlar sarayı, Qız qalası, qədim məscidlər, hamamlar, Bəylər məscidi, Sıratağlı dini – memearlıq kompleksi, Bakı xanlarının evi, qoruqda yerləşən abidələr haqqında maraqlı məlumatlarla tanış oldular.
