Narkomaniya və Narkotik maddələrdən istifadənin zərərləri" mövzusunda maarifləndirici söhbət aparıldı
21.11.2023-cü il tarixində məktəbin psixoloqları Raida Xidirova və Aynurə Babayeva , məktəbin həkimi Günel İsmayılova tərəfindən IX sinif şagirdləri ilə "Narkomaniya və Narkotik maddələrdən istifadənin zərərləri" mövzusunda maarifləndirici söhbət aparıldı.Narkomaniyanın cəmiyyət üçün ağır bəla olması, gənclərin bu məhvedici xəstəliyə düçar olmaması üçün nələrə diqqət yetirilməsi, narkotiklərə aludə olmağın nəticələri və s. haqqında geniş məlumat verildi.Həmçinin hansı yaş kateqoriyasında olmalarına baxmayaraq hər zaman öncəliklə sağlam həyat tərzi sürmələrini, güclü iradəyə sahib olub heç kimin təsiri altına düşmədən doğru yolu seçmələri şagirdlərin diqqətinə çatdırıldı.
